حرفكتبت hgsghl ugd;l تاني؟
حرف بيعرف انت قصدك تكتب بأنهي لغة. أول ما تخلّص الكلمة بيصلّحها، وبيحوّل الكيبورد لوحده، فتكمّل كتابة على طول. من غير ⌃Space، ومن غير ما تمسح وتكتب من الأول.
بتتصفح من الموبايل؟ حرف برنامج للماك. دوس «جرّب بنفسك» وهنديك الرابط تفتحه من الماك.
💻 برنامج للماك بس (macOS 13 أو أحدث). سعر الإطلاق لأول 500 مشتري.
كتبت على الكيبورد الإنجليزي. حرف صلّح أول كلمة وحوّل لعربي، والباقي اتكتب صح على طول.
كل اللي بيكتب عربي على الماك عارفها
بعتّ رسالة للمدير كلها على الكيبورد الإنجليزي، ولسه واخد بالك بعد ما اتبعتت.
الفورم بيقولك الرقم غلط، علشان الكيبورد العربي كتبه بالأرقام العربي.
بتحوّل الكيبورد طول اليوم، وتنسى مرة من كل تلاتة.
اكتب بس. حرف يتصرّف.
بيصلّح لوحده وانت بتكتب
أول ما تدوس مسافة بعد كلمة اتكتبت على الكيبورد الغلط، حرف بيمسحها ويكتبها صح، وبيحوّل الكيبورد للغة الصح علشان تكمّل.
وبإيدك لو حبيت
دوس ⌥⇧Space يحوّل الكلمة اللي بتكتبها، أو اللي لسه مخلّصها، أو أي نص انت محدّده. ولو دوسته تاني يرجّعها.
بيتعلّم طريقتك
حوّل كلمة وانت مكنتش عايز؟ دوس ⌫ على طول، هترجع زي ما كانت ومش هيحوّلها تاني. والكلمات اللي بتكتبها كتير، زي اسمك وكلامك المصري، بيحفظها.
الأرقام إنجليزي دايمًا
حتى وانت على الكيبورد العربي، الأرقام بتطلع 123، فالفورمز والمواقع تقبلها من أول مرة. والميزة دي مجانية على طول.
اكتب كأن الكيبورد نسي يتحوّل
حوّل الكيبورد بتاعك لإنجليزي، واكتب كلام عربي عادي، وبعد كل كلمة دوس مسافة. أو العكس.
موديل متدرّب على العربي والمصري، شغّال جوه جهازك
مش مجرد قاموس. حرف فيه موديل اتدرّب على مئات الآلاف من الكلمات، منها عامية مصرية وأسامي، فبيفهم حتى كلمات عمره ما شافها، زي «وهكلمك» و«هتيجيلي».
الأرقام دي من اختبار على كلمات الموديل مشافهاش وهو بيتدرّب، على كل أنواع الكيبورد العربي والإنجليزي اللي على الماك.
شغّال في أي مكان بتكتب فيه
مش إضافة لمتصفح. حرف شغّال على مستوى الماك كله، وتقدر توقّفه في أي أبلكيشن بضغطة.
الأبلكيشنات
كل أنواع الكيبورد
اللي بتكتبه مبيخرجش من جهازك
كله على الجهاز
الموديل والقرار والتصليح بيحصلوا على الماك بتاعك. مفيش كلمة بتتبعت لأي سيرفر.
الباسوردات مقفولة
macOS نفسه بيقفل خانات الباسورد على أي برنامج، وحرف منهم.
اللي اتعلّمه ملكك
الكلمات اللي اتعلّمها في ملف واحد على جهازك. تشوفه وتمسحه من الإعدادات في أي وقت.
من ناس بتكتب بحرف كل يوم
تدفع مرة واحدة. ويفضل معاك على طول.
من غير اشتراك شهري. جرّبه 7 أيام ببلاش، ولو عجبك اشتريه بالجنيه من InstaPay أو أي محفظة.
- رخصة مدى الحياة، وتحديثات حرف 1 كلها
- على 2 جهاز ماك، وتقدر تنقلها لجهاز جديد
- التحويل الأوتوماتيك، والاختصار، والتعلّم من كتابتك
- استرجاع كامل في خلال 14 يوم
الدفع: InstaPay · فودافون كاش · أي محفظة إلكترونية
أسئلة بتتسأل كتير
بيشتغل من غير نت؟
أيوه. بعد ما تفعّل الرخصة مرة واحدة، حرف بيشتغل من غير نت خالص. النت بيلزم بس وقت التفعيل، وفي مراجعة صغيرة كل شهر لو النت موجود.
هيحوّل كلام أنا كاتبه صح؟
نادرًا جدًا: في الاختبارات حوالي 2 من كل 1000 كلمة. ولو حصل، دوس ⌫ على طول، الكلمة هترجع زي ما كانت وحرف هيفتكر إنه ميحوّلهاش تاني.
الكيبورد بتاعي Arabic مش Arabic – PC، هيشتغل؟
أيوه. حرف بيقرا الكيبورد اللي عندك من الماك نفسه، فبيشتغل مع كل أنواع الكيبورد العربي والإنجليزي.
إيه اللي بيحصل بعد الـ 7 أيام؟
التحويل الأوتوماتيك والاختصار بيقفوا لحد ما تشتري الرخصة. الأرقام الإنجليزي بتفضل شغّالة ببلاش، واللي حرف اتعلّمه من كتابتك بيفضل محفوظ.
غيّرت الماك بتاعي، الرخصة هتروح؟
لأ. ادخل على حسابك بالإيميل، وشيل الجهاز القديم، وفعّل على الجديد.
الدفع بيتم إزاي؟
بتحوّل المبلغ بـ InstaPay أو من أي محفظة، وتكتب كود الطلب في الملاحظة. أول ما نتأكد من التحويل بتوصلك الرخصة على الإيميل، وده غالبًا في خلال ساعات قليلة.
ليه الماك بيطلّع رسالة تحذير أول مرة؟
علشان حرف لسه بيتوزّع من الموقع مش من App Store. التحذير بيظهر مرة واحدة بس، والطريقة في صفحة التثبيت.
عندي سؤال تاني
كلّمنا واتساب من الزرار اللي تحت، وهنرد عليك بسرعة. أو اشتري عن طريق واتساب على طول
فيه نسخة ويندوز؟
لسه، بس بنشتغل عليها. سيب إيميلك لما تشتري، وهنبلّغك أول ما تنزل.