حرف Harf
بيعرف انت بتكتب بأنهي لغة، ولو الكيبورد كان على اللغة الغلط بيصلّح الكلمة ويحوّله لوحده.
التثبيت
-
افتح ملف Harf.dmg واسحب حرف لفولدر Applications
هتلاقي أيقونة حرف وجنبها فولدر Applications. اسحب الأيقونة جوه الفولدر، وبعدها اقفل نافذة الـ DMG.
-
أول مرة تفتحه: اسمح بيه من إعدادات الأمان
حرف لسه في مرحلة تجريبية ومش موقّع من أبل، فأول مرة تفتحه الماك هيطلّع رسالة إنه مقدرش يتأكد من البرنامج. دوس Done، وبعدين:
System Settings›Privacy & Security›انزل لتحت›Open Anywayهيطلب باسورد الماك، وبعدها دوس Open. ده بيحصل مرة واحدة بس، والتحديثات الجاية مش هتطلبه تاني.
لو متعوّد على التيرمينال، الأمر ده بيعمل نفس الحاجة:
xattr -dr com.apple.quarantine /Applications/Harf.app -
اسمح لحرف يشوف الكيبورد
حرف هيفتح شاشة إعداد بالعربي تمشّيك خطوة بخطوة. علشان يعرف انت بتكتب إيه ويصلّحه، محتاج صلاحية Accessibility:
System Settings›Privacy & Security›Accessibility›فعّل Harfأول ما تفعّلها، شاشة الإعداد هتتعلّم الخطوة دي ✓ لوحدها، ومش محتاج تقفل البرنامج وتفتحه تاني.
-
اتأكد إن عندك كيبورد عربي وإنجليزي
حرف بيشتغل مع أي نوع: Arabic أو Arabic – PC أو QWERTY أو AZERTY، ومع ABC أو U.S. أو British أو Dvorak أو غيرهم. لو ناقصك واحد:
System Settings›Keyboard›Text Input›Edit…›+ -
جرّبه
خلّي الكيبورد English، وافتح أي مكان تكتب فيه (Notes أو واتساب أو المتصفح)، واكتب hgsghl ugd;l وبعدها مسافة. هتتحوّل لـ «السلام عليكم»، والكيبورد هيتحوّل عربي علشان تكمّل على طول.
هتستخدمه إزاي
| المفتاح | بيعمل إيه |
|---|---|
| Space | لما تخلّص كلمة اتكتبت على الكيبورد الغلط، حرف بيكتبها صح وبيحوّل الكيبورد. |
| ⌫ | لو حوّل كلمة وانت مكنتش عايز، دوس Backspace على طول وهيرجّعها، وهيفتكر إنه ميحوّلهاش تاني. |
| ⌥⇧Space | بيحوّل الكلمة اللي بتكتبها، أو اللي لسه مخلّصها، أو أي نص انت محدّده. ولو دوسته تاني بيرجّعها، وكل مرة بيتعلّم منها. |
ومن المنيو اللي فوق تقدر تخلّي الأرقام تطلع إنجليزي دايمًا (123 بدل ١٢٣)، أو توقّف التحويل في أبلكيشن معيّن.
خصوصيتك
حرف بيشتغل كله على جهازك، ومفيش أي حاجة بتتبعت على الإنترنت. هو محتاج يشوف الزراير اللي بتدوسها علشان يعرف الكلمة اتكتبت صح ولا لأ، لكن خانات الباسورد macOS نفسه بيقفلها عنه.
الحاجة الوحيدة اللي بيحفظها هي الكلمات اللي اتعلّمها من كتابتك، في ملف واحد على جهازك. تقدر تشوفها وتمسحها من الإعدادات ← التعلّم.
لو حاجة مش شغّالة
Harf متفعّل في Accessibility بس مش بيحوّل
- افتح System Settings › Privacy & Security › Accessibility.
- اختار Harf ودوس − علشان تشيله خالص.
- دوس + وضيفه تاني من فولدر Applications.
مش بيحوّل في أبلكيشن معيّن
اتأكد إن الأبلكيشن مش متوقّف من المنيو اللي فوق أو من الإعدادات ← الأبلكيشنات. حرف بيوقّف التحويل التلقائي في التيرمينال من الأول، علشان الأوامر والباسوردات متتغيرش.
حوّل كلمة أنا كنت عايزها زي ما هي
دوس ⌫ على طول بعدها. هترجع زي ما كتبتها، وحرف هيفتكر إنه ميحوّلهاش تاني.
فيه كلمة مش بيحوّلها
دوس ⌥⇧Space بعدها. هيحوّلها وهيتعلّمها، فالمرة الجاية هيحوّلها لوحده.
عايز أشيل البرنامج
- من أيقونة حرف اللي فوق اختار خروج.
- امسح Harf من فولدر Applications.
- علشان تمسح اللي اتعلّمه كمان، امسح فولدر ~/Library/Application Support/Harf.
- شيله من قايمة Accessibility بعلامة −.